არტერიულ ჰიპერტენზიასთან ბრძოლაში დიდი მნიშვნელობა აქვს ცხოვრების ჯანსაღ წესსა და რაციონალურ კვებას.
კარტოფილი – განსაკუთრებით სასარგებლოა კანიანად მოხარშული. ის მდიდარია კალიუმითა და მაგნიუმით, რომლებიც წნევის ნორმალიზებას უწყობს ხელს.
ლობიო (ზოგადად პარკოსნები) – მდიდარია უჯრედისით, კალიუმითა და მაგნიუმით, რომლებიც უზრუნველყოფს არტერიული წნევის ოპტიმალურ დონეს. ასე რომ, რეგულარულად ჩართეთ ისინი საკვებ რაციონში.
რძე და რძის ნაწარმი – საკვებ რაციონში რძის ნაწარმის რეგულარულად ჩართვა არტერიული ჰიპერტენზიის განვითარების რისკს 11 %-ით ამცირებს. სასურველია, დილა რძეზე მომზადებული ფაფით დაიწყოთ ან დალიოთ ერთი ჭიქა რძე.
კაკაო – კვლევებმა აჩვენა, რომ კაკაოს ნატურალური ფხვნილის შემცველი პროდუქტები წნევას აქვეითებს.
ბანანი – კალიუმის საუკეთესო წყაროა. ასე რომ, მაღალი არტერიული წნევის საპროფილაქტიკოდ ის ყოვედღიურად მიირთვით.
