ბლიცი „მე“-სთან:

მაღიზიანებს - სტერეოტიპები...

ვგრძნობ - უფლის მფარველობას...

მეშინია - რომ, ერთ დღესაც ვერ გავუძლებ, რასაც აქამდე ვუძლებდი...

ვიცი - რომ არ არის ცხოვრება მარტივი...

არ ვიცი - რა არის შური და ბოღმა...

შემიძლია - ბევრი რამ... ყველაზე კარგად ადამიანების გამხიარულება გამომდის, მაშინაც კი თუ სამყარო მემხობა თავზე...

არ შემიძლია - პირფერობა, ტყუილი, ორპირობა...

ვმეგობრობ - საკუთარ თავთან...

ვაპატიებ - ყველაფერს, მაგრამ შემდეგ სამუდამოდ ვიშორებ ცხოვრებიდან...

ვტირი - აღარ, ცრემლები გამიშრა...

ვიცინი - როცა კარგ ხასიათზე ვარ;

ვეძებ - თავგადასავალს, ემოციებს;

ღირსი ვარ - ალბათ, რასაც ვიღებ, იმის...

ვჩხუბობ - ძალიან იშვიათად...

ვკარგავ - რაც დრო გადის, ნდობას ადამიანების მიმართ...

ვემალები - ფიზიკურ მდგომარეობას და უკან ვაქცევ ჩრდილის ეფექტში...

ვემტერები - სიზარმაცეს და პესიმიზმს...

მახსოვს - თითქმის ყველაფერი, ზურგს უკან ნათქვამი სიტყვები ყველაზე მწარედ... მაგრამ, მაინც ყველაზე მეტად, ზურგს უკან მოლაპარაკეები მმატებენ ძალას ვიყო შეუპოვარი...

მრცხვენია - იმ ადამიანების ნაცვლად, რომლებიც განსხვავებულობის გამო ალმაცერად მიყურებენ და ჰგონიათ არაფერი გამომივა...

ვუარყოფ - დანებებას...

ვმალავ - ტკივილს, თან ისე ლამაზად, ხალხს ჩემი ბედნიერების შურს..

ვინახავ - გულით ნათქვამ სიტყვას...

მწამს - ღმერთის...

მიკვირს - ადამიანების, ვინც დღემდე ვერ ეგუებიან ჩემს ფიზიკურობას...

მიხარია - ჩემი მიმდინარე ცხოვრება...

ვდარდობ - სუუულ...

ვაკეთებ - იმას, რაც მომწონს და სიცოცხლედ მიღირს...

ვეფერები - თითოეულ წამს...

მსიამოვნებს - ზაფხული და ყავა...

მესიზმრება - გამართული ნაბიჯებით სიარული...

ვეხმარები - ვისი დახმარებაც შემიძლია ყველას...

ვეწევი - ყოველდღე, პოეტურ ცხოვრებას...

მწყინს - როდესაც ადამიანების შრომა სათანადოდ არ ფასდება...

ვხარჯავ - დროს...

ვღალატობ - საკუთარ სურვილებს...

ვკამათობ - როცა საუბრის თემა ჩემთვის საინტერესოა...

ვუხეშობ - უსამართლობას როცა ვაწყდები...

ვუსმენ - გულისხმას...

ვყოყმანობ - ნებისმიერი გადაწყვეტილების მიღებისას...

ვუყურებ - საკუთარ თავს, სარკეში...

ვკლავ - ნეგატიურ აზრებს...

ვცხოვრობ - უბრალოდ და მარტივად...

ვცემ - პატივს, სხვის აზრს...

ვასრულებ - რაც მევალება...

დავდივარ - ფიქრებში და ოცნებებში...

ვმკურნალობ - ცუდ განწყობას, ენაკვიმატობით 😆

ვერიდები - ფარისევლებს...

ვთამაშობ - კარგად ყოფნას როცა სამყარო მენგრევა თავზე...

ვიტყუები - არასდროს...

ვეთაყვანები - არაფერს...

ვგიჟდები – ადამიანი განათლების დონით რომ არ ტრაბახობს...

მიყვარს - თავგადასავლები...

ვოცნებობ - 🤔 ვიბრძვი, რომ ყველა ოცნება რეალობად ვაქციო...

ვფიქრობ- ბევრს...

მძულს - უგულო სიყვარული;

ვნანობ - რამდენიმე გამოუყენებელ შესაძლებლობას...

კმაყოფილი ვარ - მაკმაყოფილებს ყველაფერი საუკეთესო... 😆

მენატრება - ძველი ურთიერთობები, გაჯეტების გარეშე...

მსურს - ბოლო მოეღოს ციტატით: „ხალხი რას იტყვის“ ცხოვრებას...

ვაგროვებ - საინტერესო ადამიანებს...

ვიხდი - გადასახადებს... 😆

ვალამაზებ - არ ვიცი, ალბათ არაფერს...