"4 ოქტომბრამდე, ქართველი ხალხის ეპოქალურ გამარჯვებამდე საათებია დარჩენილი. რუსთაველზე ვიკრიბებით, რათა ქართველმა ხალხმა ივანიშვილის მიერ მიტაცებული ხელისუფლება დაიბრუნოს. ყველას, ვისაც ღირსეული და თავისუფალი საქართველო გსურთ, მოგიწოდებთ, რომ ხვალ, 16:00 საათზე რუსთაველზე მოხვიდეთ. არავინ იფიქროთ, რომ სხვისი მისვლა საკმარისია [...] ყველა მოდით, ამ ისტორიულ ეროვნულ კრებაში მონაწილეობა მიიღეთ - ივანიშვილის რეჟიმი დავასრულოთ, ერთად შევქმნათ ახალი საქართველო და ჩვენი სამშობლო დავიბრუნოთ.

ხშირად გვეკითხებიან, რა მოხდება, როცა ივანიშვილის რეჟიმი დასრულდება. პასუხისმგებლობას ვიღებთ, რომ არცერთი სახელმწიფო ინსტიტუციის ფუნქციონირება არ შეფერხდება. თუ რომელიმე მინისტრი ან მაღალჩინოსანი გაიქცევა, ეს ფუნქციების კოლაფსს არ გამოიწვევს. უფრო მეტიც, ამის შედეგად ფუნქციების კოლაფსი მცირე ხნითაც კი არ შეიქმნება. ყველა სასიცოცხლო სახელმწიფო სერვისი, ისეთი, როგორიცაა: ჯანდაცვა, ხელფასებისა და პენსიების გაცემა, მართლწესრიგის შენარჩუნება თუ სხვა, გარანტირებული იქნება. სახელმწიფო ინსტიტუტების მუშაობას უზრუნველყოფენ არა მხოლოდ მინისტრები, არამედ უწყებებში სხვადასხვა პოზიციაზე განაწილებული პროფესიონალები. ზუსტად ვიცით, რომ ეს ადამიანები თავიანთი ფუნქციების შესრულებას გააგრძელებენ". - პაატა ბურჭულაძე მოძრაობა რუსთაველის გამზირის განცხადებას ავრცელებს