1989 წლის 9 აპრილმა საქართველოს ისტორია დაწერა. იმ დროს 9 წლის გოგამ თავის პატარა წვლილი შეიტანა და ამ ისტორიულ დღეს ლექსი მიუძღვნა.

დილით ადრე განთიადზე
მთავრობის წინ ლხენა იყო
შეყრილიყვნენ სტუდენტობა
დოლ-გარმონზე ლხენა იყო.

სწორედ ამ დროს თურმე თბილისს
შემოსულა რუსის ჯარი,
მოუძღვოდნენ წინ ტანკები
ფარ-კეტებით დარაზმულნი.

არ შეშინდა ჩვენი ერი,
მშვიდად დახვდა, მოყვრულადა,
არ შეჩერდა ფანდურის ხმა,
უსინათლო ქალების ხმა.

მაშინ მოხდა სასწაული,
ხელ-კეტებით დაერივნენ,
არ ინდობდნენ სტუდენტობას,
ქალებსაც კი არ ინდობდნენ.

დაიღვარა ბევრი სისხლი
განთიადის 9 აპრილზე,
ჩვენს გულებში დარჩებიან
მათი ხსოვნის წმინდა სახე.

გოგა გოგილაშვილი

8 აპრილი 1993 წელი